Ҳар бир фарзанд ота онаси тириклиг вақтида уларнинг хизматини қилиб дуосини олиб уларнинг хизматини қилишлик бу фарзандлик бурчи хисобланади. Бизнинг ота боболаримиз фарзанд тарбияси борасида жуда қаттиқ турган ва хар бир фарзандини Пайғамбаримиз С.А.Вассалламнинг кўрсатмаларига биноан таълим тарбия бериб келганлар. Шу ўринда Пайғамбаримиз Мухаммад саллоллохи алайхи вассалламнинг қуйидаги хадисларида хар бир фарзанд хох ўғил бола бўлсин хох қиз бола бўлсин ота онасига ширин сўзлик ва хуш муомилалик бўлишдиги ҳақида қуйидаги хадисларидан кўриб чиқишимиз мумкин.
Абу Ҳурайрадан ривоят қилинади:
«Набий соллаллоҳу алайҳи васаллам:
» Бурни ерга ишқалсин, бурни ерга ишқалсин, бурни ерга ишқалсин», дедилар.
«Эй Аллоҳнинг Расули, кимнинг?» дейишди.
«Ота-онаси ёки улардан бири кексалигида улар билан бирга яшаб, дўзахга кирган кишининг», дедилар».
Пайғамбаримиз Мухаммад саллоллохи алайхи вассалламнинг бу хадисларидан шуни анлашимиз мумкинки демак, ота-она улуғ ёшга кирганларида уларнинг хизматини қилиб, розилигини топиб қолса, жаннатга кирар экан, акс ҳолда дўзахга кирар экан. Икковлари бўлмаса, биттаси — ё ота, ё она бўлса ҳам, ана шу ҳолат бўлар экан.
Бу ҳадиси шариф ҳам ота-онанинг розилигини топиш қанчалик муҳим иш эканини таъкидламоқда. Банданинг жаннат ёки дўзахга киришга сабаб бўладиган амаллардан бири ота-онага бўладиган муносабат эканини кўрсатмоқда. Айниқса ота-она кексайганларида алоҳида эҳтиётлик билан уларга яхшилик қилиш пайида бўлиш зарурлигини билдирмоқда.
Бази холатларда махаллаларда гувохи бўлиб турибмизки ёшларнинг ўзбошимчалик билан бази қилган ишлари ота онасини ранжитиб хафа қилиб қўяётган холларига гувох бўлиб турибмиз.
Биз фарзандлар ота оналаримиз тириклик вақтида уларга ширин сўзлик,хуш муомилалик билан айтган вазифаларини астойдил бажариб уларнинг дуосини олиб жаннат эшикларини очишимиз лозим.
Шеробод тумани “Шеробод” жоме масжиди имом ноиби Пўлатов Самандар
