Сурхондарё вилояти диний соҳа ходимлари “Заковат”да беллашдилар

Ўзбекистон мусулмонлари идораси Сурхондарё вилояти вакиллиги бошчилиги ва вилоят ҳокимлиги, Имом Термизий халқаро илмий-тадқиқот маркази ҳамда "Заковат интеллектуал клуби" ҳамкорлигида бугун 2025 йил 9 сентябрь куни Сурхондарё вилояти имом-хатиб ва имом-ноибларидан ташкил топган жамоалар ўртасида "Заковат" интеллектуал беллашуви бўлиб ўтди.

Тадбир Термиз шаҳрининг Имом Термизий халқаро илмий-тадқиқот марказида бўлиб ўтди. Унда вилоят бош имом-хатиби Р.Абдуллаев, вилоят ҳокимининг жамоат ва диний ташкилотлар билан алоқалар бўйича ўринбосари котибият мудири Р.Чориев, шаҳар ва туман имом-хатиблари ҳамда кенг жамоатчилик иштирок этди.

Беллашувда вилоятнинг 15 та ҳудудидан 10 та жамоа иштирок этди. Якуний натижаларга кўра беллашувда Жарқўрғон тумани имом-хатиб ва имом-ноибларидан ташкил топган "Султон Саодат" жамоаси ғолиб деб топилди.

Ғолиб жамоа аъзолари Ўзбекистон мусулмонлари идораси Сурхондарё вилояти вакиллигининг фахрий ёрлиқ ва эсдалик совғалар билан тақдирландилар.

ᴏ‘ᴢʙᴇᴋɪsᴛᴏɴ ᴍᴜsᴜʟᴍᴏɴʟᴀʀɪ ɪᴅᴏʀᴀsɪ
sᴜʀxᴏɴᴅᴀʀʏᴏ ᴠɪʟᴏʏᴀᴛɪ ᴠᴀᴋɪʟʟɪɢɪ
ᴍᴀᴛʙᴜᴏᴛ xɪᴢᴍᴀᴛɪ

| ᴛᴇʟᴇɢʀᴀᴍ  | ʏᴏᴜᴛᴜʙᴇ | ɪɴsᴛᴀɢʀᴀᴍ | ғᴀᴄᴇʙᴏᴏᴋ |