Ўзбекистон ва Татаристон ҳамкорликда мусулмон илоҳиётчилари ва жамоат арбобларига бағишланган фильмни яратади. «Татар-информ» хабарига кўра, «Татаркино» директори Миляуша Айитуганова бу ҳақда «Мир» кинотеатридаги матбуот нонуштасида айтиб ўтган.
«Кейинги фильм тарихий бўлиши кўзда тутилган. Бухорода, масалан, Маржоний ўқиган, кўплаб татар илоҳиётчилари ва жамоат арбоблари Бухоро мадрасаларида сабоқ олишган», — дейди Айтуганова.
Фильм Татаристон ва Ўзбекистоннинг умумий тарихига тўхталиб ўтади. Бу тўлиқ метражли бадиий фильм бўлади.
«Ҳозир Ўзбекистон тарихий филмларга эътибор қаратмоқда. Улар бутун дунё бўйлаб ўз мамлакатларининг тарихини кўрсатишга қизиқишмоқда», — дейди «Татаркино» директори.
