Мўсо алайҳиссалом Аллох билан, роз айтишган Калимуллоҳ бўлган Пайғамбарлардан бўладилар.Одамлар келиб ўз ҳожатларига дуо олишиб,зиёратларига келишиб турардилар.Бир куни бир йигит келиб Ё!Мўсо алайхиссалом Аллохдан сўрангчи?Мени қанча умрим бор экан дебди.Ушбу саволдан Пайғамбар таъжубланиб Аллоҳга мурожот қилиб сўрабдилар.Айни чоғда жавоб келибди Айт бандамга уч кунлик умри қолди.Бу йигит жавобни эшитиб,уйга бориб ювиниб,покланиб замона олимларини кексаларни,зиёрат қилибдида харажат қилиб ҳабар олмай юрган синглисини уйига борибди.Сингил боши кўкларга етиб кутиб олиб,меҳмон қилибди.Ака бир оз ўтириб гаплашиб,мен кетаман дея кўчага чиқибди.Ака ортидан сингил кўзида ёш,қувонч билан Эй!Роббим Акам уйимга кириб келдилар юришлари Дадамга ўхшайди,кўришсам кўкрагидан Онамни хиди келди.Акамни умрини узоқ ризқини мўл қилгин,бизларга бош бўлиб дуогўй бўлишини насиб қил дея юзига фотиха тортиб дуо қилибди.Орадан ўн кун ўтиб вафот этмаган Ака Мўсо пайғамбаримиз хузурларига бориб ўн кун бўлди тинчман бу не хикмат деб сўрабди.Мўсо пайғамбар Аллохдан сўраганларида Аллох айтди Эй Мўсо бу бандамни уч кунлик умри қолган эди,аммо у синглисини ҳабар олди.Ожиза қулим даргохимга қўл кўтариб акасини ҳаққига умр сўраб дуо қилди,ожиза бандами қўлини қуруқ қайтаргани ҳаё қилиб,яна саксон йил умир қўшдим деган жавоб келди.
Тақдир ўзгармайди илло дуо билан ўзгаради.
Ушбу ривоятдан маълумки Опа сингилларимиз қизларимизни дойимо хабар олайлик.Сийлайи раҳимни боғлаш яхшиликни энг олий чўққисидир.Бу амал умирни ризқни мўл қилади.
Шўрчи туманидаги Домла Қосим жомеъ масжиди имом хатиби М. Мусулманов
