Қушнинг ҳам уясини бузманг
Ушбу мақол бежизга айтилмаган. Ҳозирги кунда оилавий жанжалларни кузатадиган бўлсак, аксар жанжалларга атрофдаги кишилар ҳам ўз «ҳиссасини» қўшаётганига гувоҳ бўламиз.Баъзи ота-оналар фарзандларининг бахтини вақтинчалик ҳою ҳавасларга алмаштиришга рози бўлаётгани оддий ҳолатга айланиб бормоқда.
Мутахассисларнинг таъкидлашларича, оилавий ажримларга энг кўп сабаб бўлаётган омиллар қўйидагилар:
✔️ уй-жой масаласи,
✔️ ишсизлик,
✔️ моддий етишмовчилик,
✔️ ёшларнинг мустақил ҳаётга тайёр эмаслиги,
✔️ эр ёки хотиннинг иш излаб чет элга кетиши,
✔️ оилада маънавий-ахлоқий муҳитнинг етишмаслиги,
✔️ оила ҳаётига бошқа кишиларнинг аралашуви,
✔️ қайнона-келин муносабатлари
✔️ оилавий қадриятларга беписандлик ва ҳоказолар…
Мазкур сабаблардан кўриниб турибдики, уларнинг аксари биз ота-оналар иштироки билан тузатиладиган ишлар экан. Уларни ўз ўрнида тузатсак ҳамда ёшларни сабр-бардош ва меҳнат билангина бахтга эришиш мумкинлигини уқтириб борсак зиммамиздаги бурчни бажарган бўламиз.Зеро, сабр-қаноат, меҳр-муҳаббат ва ҳалол меҳнат асосига қурилган оилаларни бундай сабаблар ажрата олмайди.
Қизириқ тумани «Саъд Ибн Аби Ваққос» жомеъ масжиди имоми хатиби
Чориев Анвар
